حشيش , وارتباط

بسم الله الرحمن الرحيم

انا النهارده هتكلم في موضوع جديد جدااااا واسف لو في كلمات هضايق حد

وهما كذا موضوع

الاول ظاهره الحشيش

من اول ما معظم الشباب بقا بيشرب سجاير وانتشر الموضوع جداااااااا بعد ماكان انك تشرب سجاير ده حاجه مستحيله وتخاف من باباك وممتك وناس وانها وحشه ومظهرك قدام الناس

دلوقتي شباب بقا بيشربها عادي وبيفتخر جدااااااا انه بيشربها وعيل في اعدادي بيشربها قدام كل ناس ويفتخر انه ماسك علبه السجاير ونفس الوضع بقا لواحد في ثانوي وجامعه ولو فكرت تبطلها تلاقي صحبك يقلك ياعم فكك اشرب واحده مجتش علي واحده وكلام ده وساعتها تنسي تبطل طبعا كل هيقول ايه الي دخل ده في موضوع الحشيش هقلكم ان ده الي هيحل مكان السجاير قريب جدااا

لما افضل اربع ايام كل يوم وانا ماشي في شارع اشوف واحد بيشربه ومن جميع المستويات يعني ركبت معا سواق تاكسي لقيته بيطلع حته حشيش من علبه سجاير

وتاني يوم لقيت واحد بتاع فاكهي مولع سجاره حشيش في عز الضهر بيشربها هو وصاحبه وهو بيبع لناس

وتالت مره شفت سواق توكتوك قاعد يشربها وهو سايق التوكتوك وسواق ميكروباص

وواحد حلاق وانا بحلق عنده كان طلب من صاحبي ولقيته بعدها بشويه جبله حته حشيش بس ماشاء الله حته حته مش حاجه صغيره

واعرف ناس تانيه قدنا وطلاب ويعتبروا صحابي برضه بيشربوه وبيجبوه عادي جداااا وبقا محدش خايف من اي حاجه او من اي حد يشوفه وممكن يقله تحب اجبهولك دلوقتي دنا بمكاله واحد اجبلك الي انت عاوزه وكل شباب بقا عارف بيتقطع ازاي وبيتلف ازاي بقت حاجه زي الفل بصرحه ده اول موضوع وعاوز راي ناس فيه ووجهه نظرهم

تاني موضوع بقا
الارتباط باختصار جداا ليه بقا معظم الشباب عندهم عقده ارتبط وخلاص ارتبط باي واحده وخلاص وبالذات لو واحده محترمه وشاب ده عنده اعتقاد مفيش واحده محترمه فلازم يكلمها لحد متوافق وكام يوم وبعدها يسبها ويكون كده ارتاح نفسيا اوالعكس مجرد يرتبط باي واحده وخلاص ومش عارف ليه واحد يرتبط بواحده هو متاكد انه عمره ميرتبط بيها ارتباط رسمي او جواز وهو وبرضه الغلط مش علي ولد بس وبنت كمان ليه توافق انها تعمل كده وتوافق انها تربتط وهيا مش متاكده انه ممكن يرتبط بيها رسميا وليه واحد يفضل يضيع فلوسه ويصرف علي حد هو متاكد انها مش ليه وبرضه عاوز رايكم فيه

والي يضايق اكتر ان سواء الولاد او بنات الي بيعملوا كده بيكونوا حافظين اجزاء من قراءن وده الاستغراب

معلش طولت عليكم ومستني ارائكم جميعاااا ويارب موضوع يعجبكم

صار السئ جيد وهو التدخين عام والجيد سئ وهو الارتباط وهذا لقلة الثقافه الاسلاميه عبود من جد موضع رائع

انتى اروع رانا

فعلا موضوع رائع والادهي من كده ان فيه الاب يدخن ويحشش اما اولاده